သူရဲ့ အမည်နာမကိုက The Lake Of No Return ဖြစ်တဲ့အတွက် ပြန်လမ်းမဲ့ ရေကန်လို့ အမည်ပေးလိုက်ခြင်း ပဲ ဖြစ်ပါတယ်။ ဒေသခံတွေကတော့ Nawng Yung လို့ ခေါ်ကြပါတယ်။
အဲဒီရေကန် ဟာ လီဒိုလမ်းမကြီးနား မှာ တည်ရှိပါတယ်။ အိန္ဒိယ ၊ မြန်မာ နှစ်နိုင်ငံ နယ်စပ် ဘော်ဒါလိုင်းမှာ ရှိတယ် ဆိုပေမဲ့ အမှန်စစ်စစ်ကတော့ မြန်မာ့မြေပေါ်ရဲ့ အတိုင်းအထွာ 27 degrees 13′ 11″N 96 degree 08′ 39″ E မှာတည်ရှိနေတဲ့ မြန်မာပိုင်ပဲ ဖြစ်ပါတယ်။
လီဒို လမ်းမကြီးကို ဒုတိယကမ္ဘာစစ်အတွင်းမှာ အိန္ဒိယနိုင်ငံကနေ တရုတ်နိုင်ငံကို အရေးကြီးတဲ့ စစ်ပစ္စည်း ကရိယာတွေ သယ်ယူဖို့နဲ့ စစ်ရှောင်ရင် သုံးရအောင်ဆိုပြီး ရည်ရွယ်ဖောက်လုပ်ထားခဲ့တာ ဖြစ်ပါတယ်။ အလွန်လှပတဲ့ အင်ဂျင်နီယာလက်ရာတွေ ရှိတယ် လို့ ဆိုကြီးပြီး အိန္ဒိယနိုင်ငံ ၊ အာသံပြည်နယ်၊ လီဒို အရပ်ကနေတဆင့် စတင်ဖောက်လုပ်တဲ့အတွက် လီဒိုလမ်းမ လို့ အမည်ပေးထားတာ ဖြစ်ပါတယ်။ တနည်းအားဖြင့် အိန္ဒိယ-မြန်မာ-တရုတ် လမ်း လို့လည်း ခေါ်ဆိုနိုင်ပါတယ်။
အဲဒီအချိန်မှာ အဲဒီလမ်းနဲ့ မလှမ်းမကမ်းမှာ ရှိတဲ့ ရေကန်ပေါ်က ဖြတ်သန်း သွားတဲ့ မဟာမိတ် အမေရိကန် လေယာဉ်ပေါင်းများစွာဟာ ထူးဆန်းစွာ ပျောက်ဆုံးသွားခဲ့ပြီး ရေကန်နား ကိုရောက်ရှိ ချည်းကပ်လာတဲ့ ဂျပန်စစ်သား ဒါဇင်ပေါင်းများစွာလည်း ပျောက်ဆုံးသွားခဲ့ ဖူးတဲ့ သမိုင်းတွေရှိပါတယ် ။
ဒေသခံတွေရဲ့ ရှေးရိုးအစဉ်အလာ သမိုင်း ၊ ပုံပြင်တွေမှာလည်း နတ်ကြီးပြီး ဘီလူးတွေ ကျက်စားတဲ့ ရေကန်လို့ မှတ်ယူကြပါတယ်။ ဒေသခံတွေက အဲဒီကန်ထဲက ငါးတွေကို ဖမ်းဆီးလေ့မရှိပဲ ဘေးမဲ့ပေးထားတဲ့ နေရာဒေသတစ်ခုလည်း ဖြစ်ပါတယ်။ ယခင်တုန်းက အရွယ်အလွန်ကြီးမားတဲ့ ရေနဂါးတွေကို တွေ့ခဲ့ရပြီး ရေကန်ရဲ့ အောက်ခြေမှာ နဂါးတိုင်းပြည်လိုမျိုး တည်ရှိနေတယ် လို့ ဒဏ္ဍာရီတွေလည်း ရှိခဲ့ဖူးပါတယ်။
နောက်ပိုင်းမှာ အင်္ဂလိပ်တွေက အဲဒီရေကန်ကို Lake of no return ၊ ပြန်လမ်းမဲ့ရေကန် လို့ အမည်ပေးခဲ့ပြီး အိန္ဒိယလူမျိုးတွေကတော့ အိန္ဒိယ ရဲ့ ဘာမြူဒါဒေသ လို့ အမည်ပေးခဲ့ပါတယ်။ တယ်လီဂရပ်သတင်းစာကလည်း အဲဒီအကြောင်း ကို အခိုင်အမာ ရေးသားခဲ့ပါတယ်။
ဝီကီပီဒီယား ရဲ့ စွယ်စုံကျမ်းမှာလည်း အဲဒီရေကန်အကြောင်း ကို ပျောက်ဆုံးမှုတွေပါမကျန် ထည့်သွင်းထားတာတွေ့ရှိရပြီး ရေကန်အောက်ခြေမှာ ဘာမြူဒါတြိဂံဒေသ ရဲ့ နောက်ဆုံး သီအိုရီ လိုမျိုး မီသိန်းဓါတ်ငွေ့တွေများ ရှိနေမလား လို့ စမ်းသပ်ကြည့်သင့်ကြောင်း ထင်မြင်ချက်ရေးထားတာကို တွေ့ရပါတယ်။
Credit – Zay Yar San
No comments:
Post a Comment